“Bəlkə, Braziliyaya istirahətə göndərək?”
Sual: «Neftçi»nin “Avropa Liqası”nı udması üçün nə etmək lazımdır?
Emin Əfəndi, prodüsser:
- Avropa Liqasında udmaq üçün “Neftçi” «Running scared» mahnısını ifa etməlidir.
İsa Məlikov, bəstəkar:
- Mümkün olmayan heç nə yoxdur. “Neftçi” son bir neçə matçda da güclü rəqiblərə qarşı layiqli oyun nümayiş etdirmək bacarığını göstərib.
Tural Əsədov, aparıcı:
- Biz istəyəndə komandada oynaya bilirik. İndiki halda isə bunu çox istəyirik.
Murad Arif, teleaparıcı:
- Minimum hansısa futbol ölkəsində doğulmaqları lazımdır. Maksimum isə braziliyalılar kimi oynamağı öyrənməlidirlər.
DJ Fateh, radioaparıcı:
- “Neftçi”nin baş məşqçisi Böyükağa Hacıyevə can sağlığı diləmək lazımdır.
Ədalət Şükürov, əməkdar artist:
- Uşaqlar, sadəcə olaraq, udmaq lazımdır!
Rahib Azəri, radioaparıcı:
- Fantaziyanı işə salmaq lazımdır!
Murad Dadaşov, şoumen:
- Rəqiblərə kulinar terroru təşkil etmək lazımdır. Yedizdirib meydançaya çıxarmaq lazımdır ki, yerlərindən tərpənə bilməsinlər.
Emin Musəvi, tele-radioaparıcı:
- Bəlkə oyunçuları Braziliyaya bir az istirahətə göndərək?
Miri Yusif, müğənni:
- Ancaq turnirin nəticələrini saxtalaşdırmaqla. Başqa, heç necə. qol.az
Son Xəbərlər
- 1
- 2
- 3
- 4
- 5
- 6
