“Qafqazinfo”nun məlumatına görə, Ermənistanın əsir və itkin düşmüş, girov götürülmüş vətəndaşlarla bağlı komissiyasının işçi qrupunun rəhbəri Armen Kaprielyan açıqlamasında bildirib ki, azərbaycanlı əsgərin sağlamlığı ilə bağlı heç bir problem yoxdur: “Firuz Fərəcovun səhhəti yaxşıdır. Sağlamlığı ilə bağlı hər hansı problem yoxdur”.
Qeyd edək ki, iyulun 26-da 1992-ci il təvəllüdlü Fərəcov Firuz Mirzə oğlu qoşunların təmas xəttinin Tovuz rayonu istiqamətində azaraq erməni silahlı bölmələrinə əsir düşüb.