Məhəmmədrəsul Məcidov AİBA-ya şikayət etdi
Olimpiya.az-a məlumatına görə, Beynəlxalq Həvəskar Boks Assosiasiyasına ünvanlanan yazılı şikayətdə hakimlərin Azərbaycan idmançısına qarşı qeyri-obyektiv və ədalətsiz qərarlar vermələri diqqətə çatdırılıb.
ABF rəsmilərinin fikrinə görə, hakimlər Məcidovla italiyalı Roberto Kammarelli arasında keçirilən döyüşdə ədalət prinsiplərini pozaraq, xalları düzgün qeydə almayıblar. Onlar xüsusilə 2-ci və 3-cü raundda yığmamızın üzvünə qarşı qeyri-obyektivlik nümayiş etdiriblər. Nəticədə 1 xal fərqi ilə uduzan boksçumuz finala yüksələ bilməyib.
Qeyd edək ki, Məhəmmədrəsul Məcidov ilk raundda Roberto Kammarelliyə 6:4 hesabı ilə qalib gəlib. Lakin hakimlər növbəti iki raundda qələbəni İtaliya təmsilçisinə veriblər (6:4, 3:2). Yekunda idmançımız 12:13 hesabı ilə məğlub olaraq, bürünc medalla kifayətlənib.
Son Xəbərlər
- 1
- 2
- 3
- 4
- 5
- 6
