Mətbuat konfransında dava düşdü – Yenilənib, Fotolar

<b>Mətbuat konfransında dava düşdü –<font color=red> Yenilənib, Fotolar</b></font>
Oxunma sayı: 288

“Qafqazinfo”nun məlumatına görə bu barədə rəqqasə bu gün keçirdiyi mətbuat konfransında açıqlama verib. O bildirib ki, anspress.az saytı və ANS telekanalı bir neçə gün onun şəxsi həyatı ilə bağlı məlumatlar yayıb. Lakin o həmin məlumatın birtərəfli hazırlandığını əsas gətirərək məhkəməyə edəcəyi müraciətdə həmin məlumatların müəllifinin məsuliyyətə cəlb olunmasını istəyib: “Hər küçədən keçən çıxıb efirdə istədiyi ifadəni faktsız, əsassız işlədə bilərsə, bəs onda ANS-in “dəqiq”, “qərəzsiz” mövqeyi harada qaldı? İkinci tərəfin mövqeyi olmadan süjet efirə verildiyinə görə, mənim vəkilim həmin telekanal ilə bağlı ölçü götürülməsi üçün məhkəməyə müraciət edəcək”.

Rəqqasə bildirib ki, ANS telekanalının “Xəbərçi” verilişində onunla bağlı gedən süjetdə yaxın münasibətdə olduğu reper Elşad Xose ilə birgə narkotik vasitə istifadəçisi olduğu bildirilib: “Məni ən çox yandıran adımın narkotik istifadəçisi kimi hallanması oldu. Mən tanınmış insan olduğum üçün haqqımda işlətdikləri “narkotik vasitə istifadəçisi” ifadəsinə görə, o sözü efirə verən ANS telekanalı, həm də o ifadəni işlədən şəxs məsuliyyətə cəlb olunmalıdır”.

Oksana bu ittihamın düzgün olmadığını sübut etmək üçün mətbuat konfransında test də gətirib. Jurnalist xanımlardan da bir neçəsini yanına alıb ayaqyolunda narkotikin beş növü üzrə test yoxlaması edib. O, testin nəticəsini jurnalistlərə göstərərək, narkotik istifadəçisi olmadığı sübuta yetirməyə çalışıb.

Mətbuat konfransında bir çox xoşagəlməz məqamlar yaşanıb. Belə ki, tədbirə qatılan, reper Elşad Xose ilə ANS Telekanalının və anspress.az saytının müxbirləri arasında mübahisə yaşanıb. Müxbirlər tərəfindən “sən indi kayfdasan, gedib tualetdə işini görüb gəlmisən” kimi ifadələr Elşadı özündən çıxarıb. Xose isə ANS rəhbərliyinə qarşı təhqiredici ifadələr işlədib. Müxbirlər də Elşadı bu təhqirlərinə görə məhkəməyə verəcəkləri ilə hədələyiblər.

O. Rəsulova haqqında iki gündür mətbuatda dolaşan nikahda olması və psixaterapeftdən müalicə alması ilə bağlı xəbərlərə bir daha aydınlıq gətirib. Məlumatları təsdiqləsə də, “psix”yox “epilepsiya” xəstəsi olduğunu etiraf edib. Nikahda ola-ola başqa kişi ilə bir yerdə olmasına da haqq qazandırıb: “Mən Haqaydan istədiyim kişiliyi görə bilmədiyim üçün ayrılmışam. Mənimlə nikahda olmaq ona Amerikaya getmək üçün viza almağa görə lazım idi. Haqay “kişilik” simvolu olduğu üçün ondan ayrıldım. Mənə həyatda “zontik” yox, kişi lazımdır. Rəsmi olaraq iki ay öncə məhkəməyə boşanmaq üçün müraciət etmişəm. Sadəcə o boşanmaq istəmirdi. Yəqin ki, yaxın zamanda boşanandan sonra, inşallah əvvəlki subay həyatıma qayıdaram. O ki qaldı mənim yaxın dostum Elşad Xose ilə bağlı səslənən fikirlərə, o barədə sadəcə deyə bilərəm ki, gələcəkdə bizi Elşadla nə birləşdirəcəksə, onu gələcək göstərəcək. Onu yaxından tanıyan insan kimi deyirəm ki, Elşad Xose hazırda narkotik vasitə istifadəçisi deyil!”.

Elşad Xose də öz növbəsində Oksananı müdafiə edərək, “yaxşı kişinin arvadı qaçıb başqası ilə bir yerdə olmaz” deyib.

Xatırladaq ki, reper Elşad Xose ilə evlənmə ərəfəsində dünən ANS Telekanalında və anspress.az saytında rəqqasə Oksananın keçmiş həyat yoldaşından müsahibə və süjet yayımlanıb. Həmin müsahibədə rəqqasənin keçmiş əri Haqay Yemmuyeviç Avenilov Oksananın onun qanuni arvadı olduğunu və psixi xəstə olduğunu bildirib.

Nigar Məmmədli


Daha tez məlumatlanmaq üçün yeni Facebook səhifəmizi