Nemət Pənahlının anasının da vəziyyəti pisləşdi
“Qafqazinfo” xəbər verir ki, bu məlumatı “Media forum” saytına Nemət Pənahlının həyat yoldaşı Həcər Pənahlı verib. Həcər Pənahlı deyib ki, 20 gündən çoxdur evin elektrik enerjisi kəsilib: “Sara xanımın xəstəliyinə səbəb də soyuq ev şəraiti oldu. Bu, qisasçılıqdır. Yanvarın 13-də Nemət Pənahlının atası dünyasını dəyişdi. İndi anasının durumu ağırdır. Yəqin ki, bir azdan sıra bizim övladlarımıza gələcək. Düşmənçilikdir. Evimizin işığını kəsiblər, adını da qoyublar Nemət Pənahlının 2005-ci ildən min yüz manat borcu var. Müraciət etmədiyim yer qalmayıb. Amma faydası yoxdur”.
Xalq hərəkatının liderlərindən olmuş Nemət Pənahlı 2011-ci il yanvarın 8-də tutulub, silahdan və ya silah qismində istifadə edilən əşyaları tətbiq etməklə xuliqanlıq və qəsdən sağlamlığa az ağır zərər vurmada ittiham edilib və 6 il müddətinə azadlıqdan məhrum olunub. Bakıdakı 17 saylı Cəzaçəkmə Müəssisəsində saxlanır.
Son Xəbərlər
- 1
- 2
- 3
- 4
- 5
- 6
