“Boko Haram” terror təşkilatı Kamerunun şimalındakı Tçarkamari kəndinə hücum ediblər.
“Qafqazinfo” “Dunyabulteni.net”ə istinadən xəbər verir ki, terrorçular 9 sakini qətlə yetiriblər. 4 nəfər isə yaralanıb.
Bununla da kifayətlənməyən terrorçular evləri də yandırıblar.
Qeyd edək ki, “Boko Haram” təşkilatı 2000-ci illərin əvvəllərindən Nigeriyada, 2015-ci ildən etibarən isə Kamerun, Çad və Nigerdə kütləvi qətliamlar törədir. Bu vaxta qədər 20 minə yaxın insanın öldürüldüyü bildirilir.