İlk olaraq rinqə 52 kq çəki dərəcəsində Elvin Məmişzadə çıxıb. Boksçumuzun rəqibi indoneziyalı idmançı Julio Bria olub. İdmançımız rəqibini məğlub etməklə növbəti mərhələyə vəsiqə qazanıb.
Məmişzadə ikinci döyüşünü oktyabrın 2-də keçirəcək. O, Fransisko Torijosla (İspaniya) qarşılaşacaq.
Daha sonra isə 56 kq çəki dərəcəsində ölkəmizi təmsil edən Rəhim Nəcəfov ilk görüşünü keçirib. Nəcəfov Luke Kempbellə üz-üzə gəlib. Təəssüf ki, Nəcəfov rəqibi ilə bacarmayıb və mübarizəni erkən dayandırmalı olub.
Qeyd edək ki, dünya çempionatı həm də London olimpiadasına lisenziya xarakteri daşıyır.