“Bölgələrdə futbolu yada salmaq üçün belə addım atırlar” - Qurbanov

“Bölgələrdə futbolu yada salmaq üçün belə addım atırlar”
Oxunma sayı: 592

“Futbolçularımı təbrik edirəm. Yaxşı mübarizə apardılar".

“Qafqazinfo” xəbər verir ki,   bu sözləri “Qarabağ”ın baş məşqçisi Qurban Qurbanov deyib.  

Ağdam təmsilçisi Azərbaycan Premyer Liqasının XXV turunda öz meydanında “Keşlə” üzərində böyükhesablı qələbə qazanıb. 

Oyundan sonra baş tutan mətbuat konfransında iştirak edən təcrübəli çalışdırıcı fikirlərini bildirib:

“Rahat qalib gəldiyimiz düşünülə bilər, ancaq asan oyun olmadı. İlk qoldan sonra "Keşlə" təzyiq etdi. Onlara gələcək oyunlarda uğurlar arzu edirəm”.

- XIII turdan bu yana qalib gəlirsiniz. Bu, nə ilə bağlıdır? “Neftçi”yə “çempion bizik” demək niyyətindəsiniz?

- “Neftçi” ilə bağlı fikir yoxdur. Biz özümüzü göstərmək üçün futbol oynamırıq. Bu hesablar dünya futbolunda da çox olur. Ən vacib oyunlarda da belə qələbələr olur. Hər oyunda daha da istəkli olmalıyıq. 

- Bu qələbədən sonra “Neftçi”dən 5 xal öndəsiniz. 

- Yanvardan sonra bildirmişdim ki, hamı xal itirə bilər. Qarşıdakı 3 oyun nəticəni göstərəcək. Hər komanda xallar uğrunda mübarizə aparır, hamı nəticə üçün oynayır. Bizim hər birimiz üçün çətin olacaq. Bunlara hazır olmalıyıq. 

- Azərbaycan kubokunun finalının Naxçıvanda keçirilmək ehtimalına münasibətiniz necədi? 

- Bununla bağlı qərarı biz vermirik. Hər qərara etiraz edə bilmərik. İstərdik ki, yaxşı stadionda oynayaq. Yəqin bölgələrdə futbolu yada salmaq üçün bu addımı atırlar. Məşqçi kimi fikir bildirməyim düz olmaz. Finala çıxsaq, harda olsa, gedib meydana çıxmağa hazır olacağıq. 


Daha tez məlumatlanmaq üçün yeni Facebook səhifəmizi