Polis futbol federasiyasına hücum etdi
Buna səbəb kimi isə federasiyanın 3 hakiminin vergidən yayınması göstərilir. 2009-cu ildə idarə etdikləri yoldaşlıq oyunlarından aldıqları məbləğin vergisini ödəməkdən yayınan 3 hakim istintaqa cəlb olunub.
Bu barədə açıqlama verən AFF-nın baş katibi Volfqanq Niersbax bütün günahın hakimlərin özlərində olduğunu bildirib: "Polisin istədiyi bütün sənədləri verdik. Yoldaşlıq oyunundan sonra aldıqları məbləğin vergisindən yayınmaları onların öz günahıdır. Bunun AFF-ya heç bir aidiyyatı yoxdur".
AFF rəsmi internet saytı da bu məsələyə belə münasibət bildirib: "Vergidən yayınmaq onların öz səhvləridir. Əgər hakimlikdə hər hansı bir nöqsana yol versəydilər, onlara cəza tətbiq edərdik. Lakin bu vəziyyətdə isə onlara heç bir cəza verməyi düşünmürük".
Son Xəbərlər
- 1
- 2
- 3
- 4
- 5
- 6
