Qəbələni də sel basdı - Fəlakət
Qəbələ rayonuna yağan güclü leysan yağışları səbəbindən yaranan sel suları evləri, küçələri, həyətyanı sahələri basıb.
Dünən axşam saat 20:00 radələrindən başlayaraq 3 saat ərzində Qəbələ şəhərinə və rayonun dağlıq ərazidə yerləşən Laza, Duruca, Qəmərvan, Bum, Vəndam kəndlərinə güclü leysan yağışı yağıb. APA-nın məlumatına görə, Qəbələ şəhərinin küçələrində və kənd yollarında sel sularının hündürlüyü 40-50 santimetr olub.
Həyətyanı sahələrə, fərdi yaşayış evlərinin zirzəmilərinə su dolub. Rayon ərazisindən keçən Tikanlı-Qaraçay, Həmzəliçay, Türyançay, Dəmiraparançay, Bumçay, Mirzəbəyliçay, Vəndamçay çaylarında suyun səviyyəsi iki metrədək qalxıb, sel bəzi ərazilərdə çaysahili mühafizə bəndlərini dağıdıb.
Son Xəbərlər
- 1
- 2
- 3
- 4
- 5
- 6
