Partiyadan “Qafqazinfo”ya daxil olan məlumata görə, Bünyamin Qəmbərli 1964-cü ildə Naxçıvan Muxtar Respublikasında, Babək rayonunun Nehrəm kəndində doğulub. Azərbaycan Dövlət Bədən Tərbiyəsi və İdman Akademiyasını bitirib. 1985-1988-ci illərdə Naxçıvanda və Bakıda müəllimlik fəaliyyəti göstərib. Azərbaycan Xalq Cəbhəsi Babək rayon şöbəsinin sədri, AXC Naxçıvan MR təşkilatı İdarə Heyətinin və AXC Ali Məclisinin üzvü olub.
1990-cı ildə Naxçıvan Muxtar Respublikası Ali Məclisinin deputatı seçilib.
Hazırda Azərbaycan Turizm İnstitutunun müəllimidir.