Brakonyerlər 3000 manat cərimələndilər

brakonyerler-3000-manat-cerimelendiler
Oxunma sayı: 964

Ekologiya və Təbii Sərvətlər Nazirliyinin 1 saylı Regional Ekologiya və Təbii Sərvətlər İdarəsinin əməkdaşları tərəfindən Lənkəran və Masallı rayonu ərazisində icazəsiz ov edən şəxslər saxlanılıb. 

"Qafqazinfo" xəbər verir ki, onlardan 3 ov tüfəngi və ovlanmış cürə quşları götürülüb. Araşdırma zamanı brakonyerlərin Lənkəran şəhər sakini Nadir Ağayev, Masallı rayon sakinləri Rahim Əzizov və Məmmədhüseyn Əsədov olduğu məlum olub. Faktla bağlı təqsirkarlar barəsində protokollar tərtib edilib, inzibati qaydada ümumilikdə 3035 manat məbləğində cərimə və ziyan tətbiq olunub.