Sabir Rüstəmxanlı məsələyə aydınlıq gətirdi
“Qafqazinfo”nun məlumatına görə, DAK-ın həmsədri Sabir Rüstəmxanlı qurumdan parçalanmalar və birləşmə qurultayı ilə bağlı məsələlərə aydınlıq gətirib. Onun sözlərinə görə, DAK-ın genişləndiyi, beynəlaxalq əlaqələrinin möhkəmləndiyi bir vaxtda qurumdan ayrılmalar onun parçalanmasına çalışmağa xidmət edir: “Avropada fəaliyyət göstərən təşkilatlarla əlaqə qurmuşuq, fəaliyyətimizi genişləndiririk. DAK-ın ayaq üstə durduğu bir vaxtda İran və Rusiyaya xidmət edən adamlar onu parçalamağa çalışır”.
DAK-ın birləşmıə qurultayından danışarkən həmsədr bildirib ki, indi birlik sözünü ortaya atanlar vaxtilə buna neytral yanaşan adamlardır: “Birlik sözünü ortaya atanlar DAK-da olanda birlik məsələsinə həmişə neytral qalırdılar. Elə ki, DAK-dan ayırldılar, biri DAK-dan çıxdı, yaxud çıxarıldı, birlik və birləşmə məsləsi də həmən yada düşür”.
DAK-ın büdcəsində olan pulların mənimsənilməsi barədə yayılan məlumatlara münasibət bildurən Sabir Rüstəmxanlı deyib ki, DAK-ın heç vaxt hansısa bir bankda maliyyə hesabı olmayıb: “Yalnız qurultaylar keçirilən zaman öz hesabımıza, dostlarımızın hesabına pul toplayırıq ki, nümayəndələri qurultaya toplaya bilək. Qurultay keçirildikdən sonra həmin pulların maliyyə hesabatı verilib”.
Fatimə Kərimli
Son Xəbərlər
- 1
- 2
- 3
- 4
- 5
- 6
