Soyuqlarla bağlı nazir məsləhət verdi: “İdman edin”
Onların çoxu evsiz adamlar olub və əksəriyyətinin meyiti küçədə tapılıb. Yüzlərlə donmuş adam isə xəstəxanalara yerləşdirilib. Məktəblər və kolleclər bağlanıb, isinmək və qidalanmaq üçün 3 minə yaxın sığınacaq quraşdırılır.
Bu həftə Avropada temperatur -35 dərəcəyə düşüb.
Polşada fevralın 1-də azı 8 adamın soyuqdan öldüyü bildirilir. Bununla da bu ölkədə ötən həftədən bəri soyuqdan ölənlərin sayı 37-yə çatıb. İtaliyada mütəxəssislər deyirlər ki, 27 ildə ilk dəfədir belə soyuq həftə müşahidə olunub.
“Ukrayna 3 günə 1 milyard kubmetr qaz yandırıb”. Bunu isə Ukraynanın Baş naziri Nikolay Azarov bəyan edib. Ölkəni qazla Rusiya təchiz edir. Ukrayna 2012-ci il üçün 27 milyard kubmetr qaz alacaq.
Fövqəladə Hallar naziri Viktor Baloqa məsləhət görüb ki, camaat soyuqdan qorunmaq üçün çoxlu idman etsin. «Səhər tezdən oyanın, idman eləyin və işləyin», - o, «Ukrainskaya Pravda»ya bildirib. «Bu, heç kəsi hələ öldürməyib. Əksinə, sizi formada saxlayacaq. Bütün ili hər səhər 8-10 km qaçın və soyuq su ilə yuyunun».
Son Xəbərlər
- 1
- 2
- 3
- 4
- 5
- 6
