Bu bildirişi alsalar da, adları siyahıda çıxmadı

Bu bildirişi alsalar da, adları siyahıda çıxmadı
Oxunma sayı: 1395

Xəbər verdiyimiz kimi, bu gün Maliyyə Bazarlarına Nəzarət Palatası problemli kreditlər üzrə təzminat alacaq bütün vətəndaşların siyahısını dərc edib.

“Qafqazinfo” xəbər verir ki, müştərilərin bəziləri sonuncu siyahıda adlarını tapmayıb. Onlar bu barədə sosial şəbəkədə yazıblar. Belə ki, bəzi müştərilər əvvəl kompensasiyalarını sorğu edərkən “sizin məlumatlarınız dəqiqləşdirmə mərhələsindədir” şəklində bildiriş alırdılar. 

Bu gün isə yekun siyahı ilə tanış olarkən barələrində məlumat çıxmayıb. 

Məsələ ilə bağlı Maliyyə Bazarların Nəzarət Palatasından “Qafqazinfo” ya bildirilib ki, artıq fərman çərçivəsində kompensasiya və restrukturizasiya şamil ediləcək vətəndaşların yekun siyahısı portalda qeyd edilib.

Qeyd edək ki, siyahıda adlarını tapmayan, lakin fərman çərçivəsində onlara kompensasiya düşdüyünə əmin olan vətəndaşlar apellyasiya komissiyasına müraciət edə bilərlər.

 Günel Türksoy


Daha tez məlumatlanmaq üçün yeni Facebook səhifəmizi