Finlandiya və Almaniyadan sonra Rusiyada da bıçaqlı şəxs insanlara hücum edib.
“Qafqazinfo” Sputnik-ə istinadən xəbər verir ki, hadisə Surqut şəhərində baş verib.
Hələlik adı açıqlanmayan 23 yaşlı gənc bıçaqla 8 nəfəri yaralayıb. Daha sonra polis həmin şəxsi öldürüb.
Yaralılar xəstəxanaya yerləşdirilib. 2 nəfərin vəziyyətinin ağır olduğu bildirilir.
Hazırda faktla bağlı araşdırma aparılır.
Xatırladaq ki, dünən Finlandiyanın Turku şəhərindəki bıçaqlı hücumda 2 nəfər ölmüş, 6 nəfər yaralanmışdı. Almaniyanın Düseldor şəhərindəki hadisədə isə 1 nəfər ölmüş, 1 nəfər də yaralanmışdı.