Bu dəfə Samuxda elektrik stansiyasında yanğın baş verdi - 1 nəfər yaralandı
Samux rayonunda elektrik stansiyasında yanğınla nəticələnən partlayış olub.
“Qafqazinfo”nun verdiyi xəbərə görə, hadisə bu gün səhər saatlarında baş verib. Hazırda hüquq-mühafizə orqanlarının əməkdaşları hadisə yerindədirlər.
***
Səhiyyə Nazirliyindən “Qafqazinfo”ya bildirilib ki, ilkin məlumata görə, bir nəfər 4-cü dərəcəli yanıq xəsarəti ilə Gəncə Şəhər Xəstəxanasına yerləşdirilib, həmin şəxsin vəziyyəti ağırdır.
***
“Qafqazinfo”nun əldə etdiyi məlumata görə, xəsarət alan şəxs 1978-ci il təvəllüdlü Həsənov Elmir Natiq oğludur. O, Gəncə Şəhər Təcili Tibbi Yardım Xəstəxanasının Reanimasiya Şöbəsinə yerləşdirilib. Ona elektrotravma diaqnozu qoyulub, bədənin müxtəlif nahiyələrində 3-cü və 4-cü dərəcəli yanıq xəsarətləri qeydə alınıb.
***
“Azərenerji”nin mətbuat katibi Yəhya Babanlı “Qafqazinfo”ya açıqlamasında bildirib ki, Samuxda baş verən yanğın nəticəsində elektrik enerjisinin verilməsinə hər hansı fasilə yaranmayıb: “Partlayış olmayıb, sistem əhəmiyyətli bir hadisə deyil. Yanğının necə, harda baş verməsi isə dəqiqləşdirilir”.
Murad Əhməd
Son Xəbərlər
- 1
- 2
- 3
- 4
- 5
- 6
