Almaniya Federal Statistika Ofisi ölkədə ilin ilk yarısında istifadə edilən tütün məmulatları ilə bağlı rəqəmləri açıqlayıb.
“Qafqazinfo” “Anadolu” agentliyinə istinadən xəbər verir ki, almanlar ilin ilk 6 ayında siqaretə 10,8 milyard avro (təxminən 21,6 milyard manat) xərcləyiblər.
Bu isə 2017-ci ilin eyni dövrü ilə müqayisədə 4 faiz artım deməkdir. Xərclənən pulun artması siqaret qiymətlərinin bahalaşması ilə əlaqədar olub.
Qeyd edək ki, hazırda Almaniyada siqaret qiymətləri 6-8 avro (12-16 manat) aralığında dəyişir.