Bu qurumun işçilərinin maaşı ikiqat artırıldı

Bu qurumun işçilərinin maaşı ikiqat artırıldı
Oxunma sayı: 3690

Prezident İlham Əliyev “Hesablama Palatası haqqında” qanuna dəyişiklik edilməsi barədə  qanunu imzalayıb. “Qafqazinfo” xəbər verir ki, qanunun  22.12-ci maddədə “20” rəqəmləri “10” rəqəmləri ilə əvəz edilib. 22.16-cı maddənin ikinci cümləsindən “, habelə onun yaratdığı dövlət orqanlarında (qurumlarında)” sözləri çıxarılsın və həmin maddəyə aşağıdakı məzmunda üçüncü cümlə əlavə edilib.

Müvafiq icra hakimiyyəti orqanının müəyyən etdiyi orqanlarda (qurumlarda) həyata keçirilən auditin nəticəsi barədə Hesablama Palatası tərəfindən müvafiq icra hakimiyyəti orqanının müəyyən etdiyi orqana (quruma) illik məlumat təqdim olunur. 28.6-cı maddənin dördüncü cümləsindən “və” sözü çıxarılıb. Yeni əlavə olunan  34.4-cü maddədə bildirilir ki,Hesablama Palatasının üzvlərinə bir aylıq vəzifə maaşı həcmində vəzifə maaşına əlavə ödənilir.
Qeyd edək ki, bu Qanunun 1.4-cü maddəsi 2019-cu il aprelin 1-dən qüvvəyə minir.

Xatırladaq ki, Hesablama Palatası sədrinin aylıq vəzifə maaşı və digər təminatları Milli Məclis sədrinin birinci müavininin aylıq vəzifə maaşına və təminatlarına bərabərdir. Hesablama Palatası sədrinin müavininin aylıq vəzifə maaşı və digər təminatları Milli Məclis sədrinin müavininin aylıq vəzifə maaşına və təminatlarına bərabər tutulur. Palatanın auditorlarının aylıq vəzifə maaşı və digər təminatları Milli Məclisinin komitə sədrlərinin aylıq vəzifə maaşlarına və təminatlarına bərabərdir.


Daha tez məlumatlanmaq üçün yeni Facebook səhifəmizi