Bu yola 10 sm qar yağıb

bu-yola-10-sm-qar-yagib
Oxunma sayı: 1661

Azərbaycan Avtomobil Yolları Dövlət Agentliyi respublika ərazisindəki yollarda qarlı hava şəraiti ilə bağlı hazırkı vəziyyəti açıqlayıb.

“Qafqazinfo”nun verdiyi xəbərə görə, qurumun sözçüsü Anar Nəcəfli bildirib ki, Bakı - Quba - Rusiya Federasiyası ilə dövlət sərhədi avtomobil yolunun Siyəzən-Şabran hissəsində yağış, Quba və Qusar rayonları ərazisindən keçən hissəsinə qar yağır. Havanın temperaturu müsbət olduğundan yolda qar yoxdur, hərəkət təmin olunub. Quba rayonunun Xınalıq, Qusar rayonunun Şahdağ ərazisində yollarda 5-10 sm qar var, lazımi tədbirlər görülür və nəqliyyatın hərəkəti təmin olunur.

Giləzi - Xızı - Qar yağır, səhər saatlarından başlayaraq yol qardan təmizlənib, qum-duz səpilib. Bakı – Qobustan, Muğanlı - Ağsu - Yevlax yolunda qar yağır, 1-2 dərəcə şaxta var. Yolun Cəngi-Qobustan hissəsinə 7-10 sm qar yağıb. Səhər saatlarından başlayaraq yol qardan təmizlənib, qum-duz səpilib. Qobustan - Şamaxı - Muğanlı güclü qar yağır, 1-2 dərəcə şaxta var. Hazırda yolun qardan təmizlənməsi işləri aparılır, eyni zamanda qum-duz səpilir. 

İsmayıllı – Oğuz – Qəbələ - Şəki - Qar yağır, yolun İsmayıllı-Qəbələ hissəsində yolda 7 sm qar yağıb. Səhər saatlarından başlayaraq yol qardan təmizlənib, qum-duz səpilib. Yolun Oğuz-Şəki hissəsində sulu qar yağır.
Yollarda nəqliyyat vasitələrinin hərəkəti təmin olunub və bu istiqamətdə işlər aparılır. Ölkənin digər bölgələrində hava şəraiti normaldır, qar yağmır.