“Wikileaks” Dağlıq Qarabağ danışıqları ilə bağlı məlumatlar yaydı

<b>“Wikileaks” Dağlıq Qarabağ danışıqları ilə bağlı məlumatlar yaydı </b>
Oxunma sayı: 191



ABŞ Dövlət departamentinin məxfi sənədlərini dərc edən “Wikileaks” saytı növbəti dəfə Dağlıq Qarabağ münaqişəsi ilə bağlı məlumat yayıb. “Qafqazinfo”nun məlumatına görə, “Wikileaks” saytının yayımladığı xəbərdə bildirilib ki, Ankara və Vaşinqton 2008-ci ildə Dağlıq Qarabağ münaqişəsinin həllində irəliləyiş əldə etmək üçün ciddi ümidlər əldə edib. İki dövlət hesab edib ki, Dağlıq Qarabağ probleminin həlli üçün qısa müddətdə açar tapmaq mümkün olacaq. Bu diplomatik məlumatlar Türkiyənin xarici işlər nazirinin müavini Ərtoğrul Apakanın 2008-ci ilin dekabrında Vaşinqtona səfəri zamanı olan hesabatdır. Sənəddə Apakanla ABŞ-ın dövlət katibinin müavini Daniel Frid arasında danışıqların gedişi kifayət qədər təfərrüatı ilə təqdim edilib. Tərəflər arasında Dağlıq Qarabağ münaqişəsinin nizama salması müzakirə edilib. Görüş çərçivəsində türk diplomatları Ermənistan və Azərbaycanın xarici işlər nazirləri, həmçinin Azərbaycan prezidenti İlham Əliyevin onlara danışıqların kifayət qədər müvəffəqiyyətlə keçdiyi və məsələnin həlli üçün kifayət qədər yaxşı şansların olduğunu vurğulayıblar.

Görüşdə ATƏT-in Minsk qrupunun amerikalı həmsədri Metyu Brayza tərəflərə bildirib ki, Ermənistan prezidenti Serj Sarkisyan prosesi irəli çəkərək çox böyük riskə gedir və İlham Əliyev onunla qarşılıqlı təsiri kifayət qədər yüksək qiymətləndirir.

Türkiyənin xarici işlər nazirinin müavini 2009-cu ilin oktyabr ayında imzalanacaq Sürix protokolları ilə bağlı deyib ki, onlar bu sənədlə bağlı Ermənistan-Azərbaycan və Ermənistan-Türkiyə problemləri arasında bilavasitə əlaqələr görmürlər: “Lakin hesab edirik ki, Ermənistan və Türkiyə arasında münasibətlərdə mümkün irəliləmə Ermənistan və Azərbaycan arasında aparılanlar danışıqlara da müsbət təsir edə bilər” .

Nərgiz Ehlamqızı


Daha tez məlumatlanmaq üçün yeni Facebook səhifəmizi