“Çaqqalın sərgüzəştləri” adlı kitab nəşr olunub.

caqqalin-serguzestleri-adli-kitab-nesr-olunub
Oxunma sayı: 636

“Çaqqalın sərgüzəştləri” adlı təmsillərdən ibarət kitab nəşr olunub. Elman Babayevin (Elman Şirvani) oxuculara təqdim olunan bu kitabında müəllifin seçilmiş təmsilləri toplanıb. Kitabda rüşvətxor məmurlarının, adını “alim” qoyub elmdən xəbəri olmayanların, özünü həkim adlandıraraq xalqı soyanların, bu və ya digər pərdə altında haqsızlıq edənlərin mahiyyəti heyvanların dili ilə ifşa olunur.

Seymur Həsənlinin redaktorluğu ilə ərsəyə gələn kitab Milli Dirçəliş Hərəkatı Partiyasının dəstəyi əsasında nəşr olunub. Qeyd edək ki, MDHP Gənclər Təşkilatı “Türkün səsi kitabxanası” seriyası ilə müxtəlif kitabların çapını həyata keçirir. Oxuculara təqdim olunan bu kitab sayca ikincidir. İlk olaraq M.Ə.Rəsulzadənin “Bir türk milliyətçisinin Stalinlə ixtilal xatirələri” kitabı nəşr olunub.

Kitabın müəllifi olan Elman Şirvaninin yaradıcılığı Azərbaycan Kütləvi İnformasiya Vasitələri İşçilərinin Həmkarlar İttifaqının “Qızıl qələm” Media Mükafatı Laureatı Diplomuna layiq görülüb. O, İttifaqın fərdi üzvlərindən biridir.