Cavidlə Elvinə 100 min “atıb”lar

cavidle-elvine-100-min-atiblar
Oxunma sayı: 8868

“Qəbələ” futbol klubunun futbolçuları Cavid Hüseynovla Elvin Məmmədov həbsdə olan tanışları Ayaz Məhərrəmovun onlardan 100 min manat alması barədə iddia irəli sürüb.

“Qafqazinfo”nun verdiyi xəbərə görə, hər iki futbolçu Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə müraciət edərək A.Məhərrəmovun onlardan (Elvindən 60 min, Caviddən 40 min) birgə biznes qurmaq adı pul alın qaytarmadığını iddia ediblər. "Bandotdel" işi araşdırılması üçün Yasamal RPİ-yə göndərib və hazırda tədqiqat aparılır.

Əldə etdiyimiz məlumata görə, A.Məhhərrəmovla futbolçular arasında pul mübahisəsi uzun müddət əvvəldən davam edir. A.Məhərrəmov Elvin Məmmədova olan borcunun əvəzində öz evini onun adına keçirib. Hazırda Cavid Hüseynova da pulunun qaytarılcağına söz verilib.

Elvin Məmmədov “Qafqazinfo”ya açıqlamasında məlumatı təsdiqləyib və bu barədə geniş məlumat vermək istəmədiyini bildirib: “Biz problemi öz aramızda həll etməyə çalışırıq”.

A.Məhərrəmovun vəkili Ceyhun Yusifov da işin müzakirə olunmasını istəmədiklərini qeyd edib: “Hər iki tərəf ilə razılığa gələcəyik, Ayaz onlarla dost olub, oratada heç bir cinayət  yoxdur. Bu məsələnin barışıq formasında həll edəcəyik, buna görə də ictimailəşməsinin əleyhinəyik”.

Qeyd edək ki, A.Məhərrəmov bundan öncə tanışı Azadi Paşayevlə birgə Fərqanə Babayeva və yoldaşı Ramin Babayevdən  iş qurmaq adı ilə 194 min manat alıb. A.Paşayev pulu götürüb Türkiyəyə qaçıb. Bakı Ağır Cinayətlər Məhkəməsinin hökmü ilə A.Məhərrəmov 5 il müddətinə azadlıqdan məhrum edilib.

Ramin Babayev Daşınmaz Əmlakın Dövlət Reyestri Xidmətinin Bakı şəhər ərazi idarəsində rəhbər vəzifədə çalışıb. 

Murad Əhməd