Çinin Sıçuan vilayətinin Desi şəhərinin kəndlərindən birində 100-dən çox insan torpaq sürüşməsi nəticəsində uçqunlar altında qalıb.
“Qafqazinfo” xəbər verir ki, bu barədə CCTV telekanalı məlumat yayıb.
Kanalın verdiyi məlumata görə, hadisə şənbə günü yerli vaxtla 06.00-da (Bakı vaxtı ilə 02.00) baş verib. Artıq sürüşmə zonasına xilasetmə qrupu, təcili tibbi yardım maşınları və polis göndərilib.
40-a yaxın ev torpağın altında qalıb.
Sürüşməyə uzun müddət davam etmiş yağışlar səbəb olub.