ABŞ-nın sabiq prezidenti böyük Corc Buş Texas ştatının Hyuston şəhərində xəstəxanaya yerləşdirilib.
“Qafqazinfo” xarici KİV-ə istinadən xəbər verir ki, bu barədə ailənin rəsmi nümayəndəsi Cim Makqrat tvitterdə bildirib. Məlumata əsasən, 93 yaşlı Buşun qanında infeksiya aşkarlanıb. Onun vəziyyətinin yaxşılaşmağa doğru getdiyi vurğulanıb.
Buş 1989-93-cü illərdə ABŞ prezidenti olub.
Xatırladaq ki, aprelin 17-də C.Buşun həyat yoldaşı Barbara 92 yaşında vəfat edib.