Deputat da məhkumların qaçmasından danışdı

Deputat da məhkumların qaçmasından danışdı
Oxunma sayı: 4560

Milli Məclisin Hüquq siyasəti və dövlət quruculuğu komitəsinin üzvü, deputat Çingiz Qənizadə xüsusi təyinatlı qatardan qaçan məhkumlardan danışıb.

O “Qafqazinfo”ya açıqlamasında qeyd edib ki, Bakı-Astara-Bakı xüsusi təyinatlı qatardan məhbusların qaçması faktı ilə bağlı rəsmi qurumlar artıq açıqlama veriblər: “Belə ki, hər  iki şəxs barəsində cinayət işi qaldırılıb və bu qanunauyğundur. Onlar barəsində Cinayət Məcəlləsinin 304.2 maddəsi ilə cinayət işi başlanılıb. 

Bundan əlavə,ola bilməz ki bu qaçma prosesində vəzifəli şəxslərin iştirakından  söhbət  getməsin. Buna görə də CM-nin 308.2-ci maddəsi ilə də cinayət işi başlanılıb. 

Bu məhkumların qaçması ilə bağlı qaldırılmış cinayət işinin daha operativ aparılması onların həbsindən sonra mümkün olacaq. 

Onlara qaçması üçün hansısa bir şəraitin yaradılıb yaradılmadığı, səhlənkarlığın olması, qabaqcadan rəsmi şəxslərlə əlbir olub olmama kimi məsələlər tutulandan sonra aydın olacaq. 

İndidən onların aparılıb gətirilməsi üçün məsuliyyət daşıyan Penitensiar Xidmətin əməkdaşlarını, istərsə də başqalarını günahlandırmaq  tezdir. Fərziyyələr üzərində hansısa fikir söyləmək məqsədəuyğun deyil”.


Daha tez məlumatlanmaq üçün yeni Facebook səhifəmizi