Dilmanc onlayn lüğəti istifadəyə verildi
“Qafqazinfo” xəbər verir ki, bu lüğətin digər elektron lüğətlərdən fərqi odur ki, lüğətdə yalnız söz köklərinə görə deyil, həmçinin istənilən söz-forma üzrə axtarış aparmaq mümkündür. Misal üçün, lüğətə prişel sözü daxil etdikdə həmin sözün kökü olan pridti sözü avtomatik tapılaraq istifadəçiyə tərcüməsi göstərilir. Bu imkan xüsusilə xarici dili bilməyən istifadəçilər üçün əhəmiyyətlidir, çünki həmin istifadəçilər üçün sözün kökünü tapıb lüğətə daxil etmək çətinlik yaradır.
Lüğətin ikinci əhəmiyyətli xüsusiyyəti axtarılan sözə uyğun nümunə cümlələrin və onların tərcümələrinin göstərilməsidir. Qeyd edək ki, bu cümlələr internetdən avtomatik üsulla yığılmışdır və səhvlərə rast gəlinə bilər.
Lüğətə həmçinin daxil edilmiş sözün sinonim, antonim, zamanlar üzrə dəyişməsi və s. informasiya daxil edilmişdir.
Lüğəti aşağıdakı ünvanda istifadə etmək olar:
http://dict.dilmanc.az
Qeyd edək ki, bu lüğət Dilmanc layihəsi tərəfindən ilin əvvəlindən başlayaraq təqdim edilmiş artıq ikinci yenilikdir. Yanvar ayında layihənin saytında azərbaycan dili üçün ilk mətnin səsləndirilməsi sistemi (daxil edilmiş mətni insan səsi ilə oxuyan proqram) yerləşdirilib:
http://www.dilmanc.az/az/project/tts
Son Xəbərlər
- 1
- 2
- 3
- 4
- 5
- 6
