"Qafqazinfo" DİN-in saytına istinadən xəbər verir ki, avqustun 23-də Suraxanı rayonu Babək prospektindəki qəbiristanlıqda Bakı şəhər sakini Rövşən Mehdiyev qısqanclıq zəminində ov tüfəngindən atəş açaraq arvadı Cəmilə Mehdiyevanı qətlə yetirib.
R.Mehdiyev könüllü olaraq Suraxanı RPİ-yə gələrək təslim olmuş və hadisəni törədərkən istifadə etdiyi müvafiq sənədləri olmayan, nömrəsi silinmiş ov tüfəngini təhvil verib.