Dindarların mitinqinə icazə verilmədi
Partiyanın sədr müavini Akif Heydərli “Qafqazinfo”ya açıqlamasında bildirib ki, noyabrın 16-da keçirilməsi planlaşdırılan mitinq üçün meriyaya edilən müraciətə bu gün cavab verilib: “Biz noyabrın 5-də müraciət etdik. Bu gün cavab verildi. Mitinqə icazə verilməyib. Biz əvvəlcədən qeyd etmişdik ki, icazəli mitinq keçirəcəyik. Bakı Şəhər Baş Polis İdarəsi də bizdən izahat almışdı ki, razılıq verilməsə icazəsiz mitinq keçirəcəyik ya yox. Biz də əvvəlki bəyanatımızı təqdik etmişdik ki, icazəli mitinq edəcəyik. Amma bu gün cavab verildi və icazə verilmədiyi üçün yeni situasiya yarandı. Bu gün biz verilən cavabı müzakirə edib icazəsiz mitinq keçirib-keçirməyəcəyimizə qərar verəcəyik”.
Mitinqin şüarları beynəlxalq təşkilatlardan siyasi məhbus statusunu müəyyənləşdirmək üçün konkret addımlar atmaq, Azərbaycanda insanların sosial həyat tərzinin ağırlaşmasına təsir edən amilləri aradan qaldırmaq, Dağlıq Qarabağ münaqişəsinə ikili standartla yanaşmaya son qoymaq, Ermənistana qarşı sanksiyalar tətbiqini tələb etmək idi.
Murad Əhməd
Son Xəbərlər
- 1
- 2
- 3
- 4
- 5
- 6
