Əcnəbilərin dini təbliğat aparması qadağan olunur

Əcnəbilərin dini təbliğat aparması qadağan olunur
Oxunma sayı: 478

"Dini etiqad azadlığı haqqında" qanuna dəyişikliklər edilib. 

“Qafqazinfo” xəbər verir ki, bu barədə parlamentin  İctimai birliklər və dini qurumlar komitəsinin sədri Siyavuş Novruzov məlumat verib. O,  qeyd edib ki, qanunun 3 maddəsinə dəyişikliklər təklif olunur. Belə ki, qanunun 1. 1-ci maddənin dördüncü hissəsinin "dini mərkəz tərəfindən dəvət edilmiş din xadimləri istisna olmaqla, əcnəbilər və vətəndaşlığı olmayan şəxslər tərəfindən dini təbliğat aparılması qadağandır" şəklində verilməsi təklif olunur. 21-ci maddənin üçüncü hissəsinin ikinci cümləsi isə  "xaricdə dini təhsil almış Azərbaycan vətəndaşlarının Qafqaz Müsəlmanları İdarəsi tərəfindən müvafiq icra hakimiyyəti orqanı ilə razılaşdırmaqla islam dininə aid ayin və mərasimlərin aparılmasına buraxıla bilərlər" cümləsi əlavə edilir. 

24-cü maddənin ikinci hissəsi isə "vətəndaşların təhsil almaq üçün xarici ölkələrin dini tədris müəssisələrinə göndərilməsi, dini tədris müəssisələri tələbələrinin və müəllimlərinin, habelə din xadimlərinin və mütəxəssislərinin mübadiləsi müvafiq icra hakimiyyəti orqanı ilə razılaşdırmaqla dini mərkəz tərəfindən həyata keçirilir” şəklində ifadə olunacaq. 

Günel Türksoy


Daha tez məlumatlanmaq üçün yeni Facebook səhifəmizi