Əfqanıstanda Baş nazir müavini Məhəmməd Mohakikin Kabildəki evinin yaxınlığında partlayış olub.
“Qafqazinfo” rus KİV-nə istinadən xəbər verir ki, kamikadzenin özünü partlatması nəticəsində 20 nəfər həlak olub. Məlumata görə, daha 22 nəfər yaralanıb.
Hadisəni hələlik heç bir qruplaşma üzərinə götürməyib.
***
RİA Novostinin məlumatına görə, ölənlərin sayı açıqlanıb. Partlayış zamanı 24 nəfər ölüb, 42 nəfər yaralanıb.
***
Partlayışa görə məsuliyyəti “Taliban” öz üzərinə götürüb.
***
Əfqanıstanın paytaxtı Kabildə törədilən partlayışda ağır yaralı olanlardan daha bir neçəsi ölüb. Beləliklə, ölənlərin sayı 35-ə çatıb, daha 30 nəfər yaralıdır.
Ölü sayının arta biləcəyi ehtimal edilir.
Qeyd edək ki, bununla da bu il Əfqanıstanda terror hücumları nəticəsində ölənləri sayı 1662-yə çatıb.
Aysel Kərimova