Əlillərin ölkə daxilində və xaricdə müalicəsinə köməklik göstərilir

elillerin-olke-daxilinde-ve-xaricde-mualicesine-komeklik-gosterilir
Oxunma sayı: 652

Nazirliyin mətbuat xidmətindən “Qafqazinfo”ya daxil olan məlumatda bildirilir ki, iclasda 33 nəfər vətəndaşın müraciətinə baxılıb. Həmin vətəndaşlardan 12 nəfərinin respublikadan kənarda müalicəsinə köməklik məqsədi ilə yol xərclərinin ödənilməsi, 1 nəfərin respublika daxilində müalicəsi ilə bağlı məsələlərin həll edilməsi barədə qərar qəbul olunub. Eyni zamanda, qalan 20 nəfərin müraciətlərinə uyğun olaraq, ayrı-ayrı sosial-məişət problemlərinin həll edilməsi qərara alınıb.

Komissiyanın qərarının icrası olunması ilə bağlı Nazirlik yanında Dövlət Sosial Təminat Xidmətində müvafiq işlər aparılıb. Məlumat üçün bildirək ki, ötən il 53 nəfərin ölkə daxilində, 25 nəfərin xarici ölkələrdə müalicəsinə maddi köməklik göstərilməsi, əlamətdar günlər və ildönümlərlə bağlı olaraq, ümumilikdə 5 mindən çox əlilə birdəfəlik maddi yardımlar verilməsi, penitensiar müəssisələrdən azadlığa çıxmış 3422 nəfərə maddi və sosial yardımlar, 47 nəfər insan alveri qurbanına, 50 nəfər potensial insan alveri qurbanına tibbi, psixoloji, maddi və digər yardımlar göstərilməsi təmin edilib.