Əlilliyi olan şəxslərlə bağlı yeni qanun layihəsi müzakirə olundu

Əlilliyi olan şəxslərlə bağlı yeni qanun layihəsi müzakirə olundu
Oxunma sayı: 1499

Milli Məclisin bu gün keçirilən plenar iclasında “Əlilliyi olan şəxslərin hüquqları haqqında” yeni qanun layihəsi müzakirəyə çıxarılıb. 

“Qafqazinfo” xəbər verir ki, qanun layihəsini məruzə edən Əmək və sosial siyasət komitəsinin sədri Hadi Rəcəbli bildirib ki, qanun layihəsi 8 fəsil, 40 maddədən ibarətdir: “Sənəddə əsas anlayışlar, əlilliyin müəyyən edilməsi, iş yerlərinin əlilliyi olan şəxslərə müyəssər olması və istifadəsi üçün ağlabatan uyğunlaşdırılması, əlilliyi olan şəxslərlə bağlı dövlət təminatları, onların reabilitasiyası və abilitasiyası, məşğulluğunun təmin edilməsi, təhsili, peşə hazırlığı, əmək şəraiti, mənzil təminatı, mədəniyyət və idman obyektlərinin əlilliyi olan şəxslərin müyəssərliyinin təmin edilməsi və digər məsələlər əksini tapıb.

Bu gün ölkədə 620 min əlilliyi olan şəxslər var. Bu da ölkə əhalisinin 6 faizi civarındadır.  Dünyada isə bu rəqəm 10-12 faizdir. Bizdə faiz göstəricisinin az olması onu göstərir ki, bu sahədə ardıcıl işlər görülür”.

Günel Türksoy


Daha tez məlumatlanmaq üçün yeni Facebook səhifəmizi