Elman Rüstəmov açıqladı - “... 42 milyard dollar təşkil edir”

Elman Rüstəmov açıqladı
Oxunma sayı: 2905

“Dünyada ərzaq məhsullarının qiymətləri əhəmiyyətli dərəcədə artıb. Təkcə bitkiçilik deyil, heyvandarlıq məhsullarının da  qiymət artıb. Ona görə də bu il inflyasiyanın yüksək olacağı gözlənilirdi”.

“Qafqazinfo” xəbər verir ki, bunu Mərkəzi Bankın sədri Elman Rüstəmov parlamentdə büdcə layihəsinin müzakirəsi zamanı deyib. E. Rüstəmov qeyd edib ki,  2017- cilin  iqtisadi quruculuq tarixində makroqitsadi sabitliyin bərqərar olması, postneft dövrünə keçidin başlanğıcı kimi   bir sıra amillərlə yadda qalacaq: “Neftin qiymətini 3 dəfə aşağı düşməsi ümumi məhsulun 50 faiz  dəyərindən çox həcmində ixrac potensialının itirilməsi istənilən iqtisadi sistem üçün çox ciddi çağırışdır.  Monetar və fiskala siyasətin əlaqələndirilməsi, çevik məzənnə rejiminə keçid ölkənin xarici  tədiyyə balansının  tarazlaşdırılmasına şərait yaradıb. Tədiyyə balansında profisit cari ildə bərpa olunub. 

Ölkənin strateji valyuta ehtiyatları 42 milyard ABŞ dolları təşkil edib.  Manat ilin əvvəlindən 4 faiz , fevral ayından isə 6, 5 faiz möhkəmlənib. 

Hazırda bank aktivləri 20 faizdən çox olsa da biz kredit aktivliyini artmasını müşahidə etmirik. Cari ildə kreditlərin verilməməsi ilə bağlı heç bir müraciət daxil olmayıb. 

Neft Fondundan büdcəyə gəlir  3 dəfə azaldılıb.  Manatla pul bazası 11 faizdən çox artıb. Mərkəzi Bank iqtisadiyyata kifayət qədər pul verib.

Milli valyutada yığımları dəstəkləmək üçün cari ildə uçot dərəcəsi dəyişməyib.  Sərt  xarici şok baş vermədiyi halda valyuta bazarında sabitlik qorunacaq”.

Günel Türksoy


Daha tez məlumatlanmaq üçün yeni Facebook səhifəmizi