Elmar Məmmədyarovun həmsədrlərlə görüşü başa çatıb - Yenilənib
Hazırda Nyu-Yorkda Azərbaycan Xarici işlər naziri Elmar Məmmədyarov və ATƏT-in Minsk qrupunun həmsədrləri arasında görüş keçirilir.
“Qafqazinfo”nun məlumatına görə, bu barədə XİN-in mətbuat xidmətinin rəhbəri Hikmət Hacıyev Tvitter mikrobloqunda yazıb.
XİN rəsmisinin sözlərinə görə, Elmar Məmmədyarov BMT-nin Baş Assambleyasının 72-ci sessiyası çərçivəsində ATƏT-in Minsk qrupu həmsədrləri ilə baş tutan görüşdə Dağlıq Qarabağ münaqişəsini müzakirə edəcək.
***
Nyu-Yorkda Azərbaycan xarici işlər naziri Elmar Məmmədyarov və ATƏT-in Minsk qrupunun həmsədrləri arasında görüş başa çatıb. Bu barədə XİN-in mətbuat katibi Hikmət Hacıyev bildirib.
Onun sözlərinə görə, görüş təxminən saat yarım davam edib.
Görüşdə Dağlıq Qarabağ münaqişəsi və gündəlikdə duran məsələlər müzakirə edilib.
Qeyd edək ki, sentyabrın 23-də isə həmsədrlərin iştirakı ilə E. Məmmədyarovun Ermənistan xarici işlər naziri Edvard Nalbandyanla görüşü nəzərə tutulub.
Son Xəbərlər
- 1
- 2
- 3
- 4
- 5
- 6
