Əməkdar artistə külqabı atıblar?

emekdar-artiste-kulqabi-atiblar
Oxunma sayı: 647

Mingəçevir Dövlət Dram Teatrında aktyorlar arasında dava düşməsi barədə məlumatlar yayılıb. "Qafqazinfo" Lent.az-a istinadən xəbər verir ki, həmin məlumatlarda teatrın aktyorları Asim Məmmədov və İlqar Rəhimovun dalaşması, dava zamanı atılan külqabının əməkdar artist Ella Yaqubovanın başına çırpılması və onun ağır vəziyyətdə xəstəxanaya aparılması qeyd edilib.
 
Mingəçevir Dövlət Dram Teatrının direktor müavini Vüsal Məmmədov açıqlamasında bildirib ki, bu gün adı qeyd edilən bütün aktyorlar “Lənkəran xanının vəziri” tamaşasının məşqində iştirak edib və hər hansı dava-dalaş baş verməyib. O, əlavə edib ki, Ella Yaqubova da teatrdakı məşqlərdə iştirak edib və başının yarılması barədə deyilənlər həqiqətə uyğun deyil.