“Emin 444”ü öldürən şəxs tutuldu
Bakıda dünən axşam kriminal aləmin üzvü kimi tanınan “Emin 444” ləqəbli şəxsi bıçaqlayaraq öldürən şəxs saxlanılıb.
“Qafqazinfo”nun verdiyi xəbərə görə, mayın 9-u axşam saat 23 radələrində Binəqədi rayonu, İsrafil Həşimov küçəsində baş verib.
Naxçıvan Muxtar Respublikasının Şərur rayon sakini, 1995-cü il təvəllüdlü Tağıyev Həsən Mərdan oğlu aralarında yaranmış mübahisə zamanı Masallı rayon sakini, 1988-ci il təvəllüdlü Səfərov Emin Ehtiram oğlunu bıçaqlayaraq öldürüb. Dava E.Səfərovun yaşadığı evin qarşısında baş verib.
Faktla bağlı hadisə yerinə və meyitə baxış keçirilib, məhkəmə tibb ekspertizası təyin edilib. Hadisəni törətməkdə şübhəli bilinən H.Tağıyev saxlanılıb.
Faktla bağlı cinayət işi başlanılıb, istintaq aparılır.
Murad Əhməd
Son Xəbərlər
- 1
- 2
- 3
- 4
- 5
- 6
