İraqın Ərbil şəhərində türkiyəli diplomatlara qarşı təşkil edilmiş silahlı hücumla bağlı bəzi təfərrüatlar məlum olub.
“Qafqazinfo”nun “Anadolu” agentliyinə istinadən verdiyi xəbərə görə, Ərbil Polis İdarəsi hücumu 3 nəfərin təşkil etdiyinə dair məlumat yayıb.
Bildirilir ki, 3 nəfərdən əsas şübhəli Diyarbəkir şəhər sakini, 27 yaşlı Mazlum Dağdır. O, hazırda axtarışa verilib.
Mazlum Dağın 13 bacı-qardaşı var. Bacısı Xalqların Demokrtaik Partiyasın Diyarbəkirdən (HDP) olan millət vəkili Dersim Dağdır.
Onun digər iki qardaşı- “İsyan” kod adlı İbrahim Dağ və “Numan” kod adlı Lütfi Dağ PKK terror təşkilatının üzvüdür.
Məlumata görə, Mazlum Dağ 2015-ci ildə PKK-ya qoşulub. O, hadisədən öncə bir həftə ərzində 4 dəfə təşkilatın Mahmur şəhərindəki düşərgəsinə baş çəkib.
Xatırladaq ki, “Huqqabaz” restoranında törədilmiş terakt nəticəsində Türkiyənin Ərbildəki Konsulluğunun əməkdaşı Osman Köse şəhid olub, daha iki İraq vətəndaşı həlak olub.