Türkiyə prezidenti Rəcəb Tayyib Ərdoğan Hollandiyanın Utrext şəhərində tramvayda Türkiyə vətəndaşı Gökmən Tanışın 3 nəfəri öldürməsi, 9 nəfəri də yaralaması ilə bağlı danışıb.
“Qafqazinfo” “Euronews”a istinadən xəbər verir ki, o, hadisənin Türkiyə kəşfiyyat orqanları tərəfindən araşdırıldığını bildirib:
“Hücumun terror aktı, yoxsa şəxsi məsələ olduğu araşdırılır”.
Qeyd edək ki, Türkiyə Xarici İşlər Nazirliyi insidentlə bağlı açıqlama yayaraq hadisəni qınayıb və Niderland xalqı ilə həmrəy olduğunu ifadə edib.