Qondarma Dağlıq Qarabağda əsirlikdə olan azərbaycanlının azad edilməyi ilə bağlı xəbər yayılıb.
“Qafqazinfo” xəbər verir ki, erməni KİV-lərinin yaydığı məlumata görə, Elnur Elman oğlu Hüseynzadə 2 ildən sonra sərbəst buraxılıb.
Erməni tərəfi bildirir ki, azərbaycanlı əsir hələ fevralın 2-də həbsdən azad olunub.
Xatırladaq ki, o, 2017-ci ildə Tərtərin Talış kəndi istiqamətində düşmən əlinə keçmişdi. Sərhədi qanunsuz keçməkdə ittiham edilən Elnur Hüseynzadəyə işğalçı rejimin “prokurorluğ”u tərəfindən hökm oxunmuşdu.
Aysel Kərimova