Ermənistandan gözlənilməz addım - Sürix protokollarını ləğv edir

ermenistandan-gozlenilmez-addim
Oxunma sayı: 3393

Ermənistan xarici işlər naziri Edvard Nalbandyan 2009-cu ildə ildə Türkiyə ilə imzalanan, ikitərəfli əlaqələrin normallaşdırılmasına yönələn protokolları ləğv edəcəklərini açıqlayıb.

“Qafqazinfo” Ermənistan KİV-nə istinadən xəbər verir ki, Nalbandyan Türkiyənin protokolların ruhuna uyğun davranmadığını iddia edib: “Ermənistan prezidenti (Serj Sarkisyan) sentyabrda İrəvanın protokolları etibarsız sayacağını söylədi. O zamandan bəri qüvvəyə minməsi yönündə müsbət addım atılmadı. Bu səbəbdən də 2018-ci ilin yazını bu protokollar olmadan keçirəcəyik”. 

Nalbandyan əlavə edib ki, həmin sənədlər daimi girovluqda qala bilməzlər.

Qeyd edək ki, iki ölkə arasında münasibətləin normallaşmasını təmin etmək üçün 2009-cu ildə Sürix şəhərində protokollar imzalanıb. Türkiyə parlamenti protokolu ratifikasiya etməyib. Şərt ondan ibarət olub ki, Dağlıq Qarabağ münaqişəsi həll olunmayana qədər Türkiyə-Ermənistan sərhədləri açılmayacaq.