Ermənistanın eks-müdafiə naziri də axtarışa verildi
Ermənistanın keçmiş müdafiə naziri Mikael Arutyunyan axtarışa verilib.
“Qafqazinfo” xəbər verir ki, bu barədə Ermənistanın polis rəisi Valeri Osipyan məlumat verib.
Osipyanın sözlərinə görə, hüquq-mühafizə orqanları eks-nazirin harada olduğunu bilmir. General-polkovnikin İnterpol xətti ilə də axtarışa verilməsi üçün işlər görülür.
Qeyd edək ki, Arutyunyan 2008-ci ilin martında ölkənin Konstitusiya quruluşunu devirməkdə ittiham olunur.
Xatırladaq ki, söhbət 2008-ci ilin 1-2 mart hadisələrindən gedir. O zaman prezident seçkilərindən sonra ölkənin birinci prezidenti olmuş Levon Ter-Petrosyanın tərəfdarları MSK-nın nəticələrini tanımayaraq küçələrə çıxmışdılar. Nümayişçilərə qarşı döyüş silahları istifadə edilmiş, 10 nəfər ölmüşdü.
Son Xəbərlər
- 1
- 2
- 3
- 4
- 5
- 6
