“Eurovision” musiqisiz yayımlanarsa… - Qeyri-adi video
Belçikanın “Een” telekanalı “Eurovision-2019” mahnı müsabiqəsini musiqisiz halda göstərib.
“Qafqazinfo” xəbər verir ki, 1 dəqiqəlik videoçarx telekanalın Yutub kanalında yerləşdirilib. Qeyri-adi videoda müsabiqə iştirakçıları tam sakitlikdə çıxış edir. Bu səbəbdən onların ayaq səsləri, canlı ifaları, qədəhlərin cingiltisi və s. səslər açıq-aydın eşidilir.
Azərbaycan təmsilçisi Çingiz Mustafayev də sözügedən çarxda yer alıb. Onun şousunda istifadə olunan robotların mexanizminin səsi diqqət çəkib.
Qeyd edək ki, İsrailin Təl-Əviv şəhərində keçirilən 64-cü “Eurovision” mahnı müsabiqəsinin qalibi Hollandiya təmsilçisi Dunkan Laurens olub. O, 492 xalla bütün rəqiblərini üstələyib. Azərbaycan təmsilçisi Çingiz Mustafayev isə 297 xalla 7-ci yerdə qərarlaşıb.
Son Xəbərlər
- 1
- 2
- 3
- 4
- 5
- 6
