Everestçilər Moskvada bir araya gəlirlər
“Qafqazinfo”nun məlumatına görə,Tədbir təşkilatçıları MDB ölkələrinin alpinizm federasiyaları arasında yalnız nümayəndələri planetin ən yüksək zirvəsinə qalxmış federasiyalara dəvətnamə göndərib.
Tədbir sovet və Rusiya alpinizminin yubileyi – Everestə ilk sovet Himalay ekspedisiyasının 30 illiyi və Everestə ilk rus ekspedisiyasının 20-ci ildönümü münasibətilə keçirilir.
Qurultayda Azərbaycan, Belarus, Ukrayna, Rusiya, Latviya, Gürcüstan, Litva, Moldova, Özbəkistan, Qazaxıstan və Qırğızıstanın ən titullu alpinistləri, sovet alpinizminin əfsanələri, həmçinin fəxri qonaq kimi UİAA-nın yeni prezidenti Fritz Vridclandt iştirak edəcək.
Beynəlxalq görüşün proqramına dağadırmanma haqqında kino və videoxronika, “1907-1953-cü illərdə Everestin fəth olunma tarixi” adlı slayd-şou, foto-sərgi, İdman Muzeyindən unikal eksponatların nümayişi, “Everest Fatehi” nişanının təqdim olunması daxildir.
Beynəlxalq əhəmiyyətli tədbirdə ölkəmizi Azərbaycan Alpinizm Federasiyasının prezidenti, bugünkü gündə Everesti fəth etmiş yeganə azərbaycanlı İsrafil Aşurlı təmsil edəcək.
Son Xəbərlər
- 1
- 2
- 3
- 4
- 5
- 6
