Fazil Məmmədovun ölüm xəbəri yayıldı və yalan çıxdı - Yenilənib

Fazil Məmmədovun ölüm xəbəri yayıldı və yalan çıxdı
Oxunma sayı: 14474

Sabiq vergilər naziri Fazil Məmmədov vəfat edib.

“Qafqazinfo” Musavat.com-a istinadən xəbər verir ki, o, uzun sürən ağır xəstəlikdən sonra bu gün Gəncədə dünyasını dəyişib.

Xatırladaq ki, F.Məmmədov bir müddət əvvəl Türkiyədə müalicə aldıqdan sonra Azərbaycana qayıtmışdı.

Qeyd edək ki, Fazil Məmmədov 28 mart 1964-cü ildə Şamaxı rayonunda anadan olub. 2000-ci il fevralın 11-də Heydər Əliyevin fərmanı ilə vergilər naziri təyin edilib. 5 dekabr 2017-ci ildə isə vəzifəsindən azad edilib.

***

Gəncə Beynəlxalq Xəstəxanasından “BakuPost”a məlumat verilib ki, sabiq nazir ümumiyyətlə bu günlərdə Gəncə xəstəxanasında olmayıb:

“Dünən bizim xəstəxanada Məmmədov soyadlı vəzifəli şəxs rəhmətə gedib. Lakin o, Fazil Məmmədov deyil. Ola bilər ki, onunla qarışıq salıblar”.

Sayt dəqiqləşdirib ki, sabiq nazir bu günlərdə Gəncəyə getməyib. Hazırda Bakıda, evindədir.


Daha tez məlumatlanmaq üçün yeni Facebook səhifəmizi