Feysbukda “Sabahınız xeyir” yazdı, həbs olundu

Feysbukda “Sabahınız xeyir” yazdı, həbs olundu
Oxunma sayı: 1508

İsrail polisləri feysbukdakı paylaşımına görə fələstinli şəxsi həbs edib.

“Qafqazinfo” Technote-yə istinadən xəbər verir ki, bunun əsas səbəbi isə feysbukda avtomatik tərcümənin həmin şəxsin paylaşımını səhv tərcümə etməsi olub.

Belə ki, fələstinli şəxs ərəb dilində “Sabahınız xeyir” yazıb. Lakin sosial şəbəkənin avtomatik tərcümə sistemi ivrit və ingilis dilinə həmin paylaşımı “Onlara hücum edin” kimi tərcümə edib. İxtisasca inşaatçı olan fələstinli şəxs terrora dəvət etməkdə ittiham olunaraq həbs olunub.

Məsələ burasındadır ki, ərəb dilində tələffüz zamanı işlədilən “Sabahınız xeyir” cümləsi yazılı formada “Onlara hücum edin” cümləsinə bənzəyir. Bununla yanaşı polis zabitləri səhv tərcümə olunmuş paylaşımı fotodakı buldozerə də aid ediblər. Belə ki, əvvəllər bu nəqliyyat növündən bir çox terror hücumlarında istifadə ediblər. Beləliklə polislər həmin fələstinli şəxsin də hansısa terror hücumu etməsini planlaşdırdığını güman edib.

Fələstinli şəxs dindirildikmdən sonra səhvən tutulduğu üzə çıxıb və həmin şəxs azad olunub.


Daha tez məlumatlanmaq üçün yeni Facebook səhifəmizi