Flydubai Avro 2012-yə yol açır

Flydubai Avro 2012-yə yol açır
Oxunma sayı: 230

Dubayın Flydubai aviaşirkəti Ukraynanın Kiyev, Xarkov və Donetsk şəhərlərinə uçuşlara başlayaraq Fars körfəzi, Kiçik Asiya, Afrika, Hindistan regionu və Avropanın bir hissəsini əhatə edən marşrut şəbəkəsini 44-ə çatdırıb. Şirkətin Bakı nümayəndəliyindən “Qafqazinfo”ya verilən məlumata görə, bu ölkəyə hava yolunun açılması futbol həvəskarlarına 2012-ci ildə Polşa və Ukraynada keçiriləcək Avropa çempionatına asanlıqla yola düşməyə imkan verəcək. Futbol üzrə Avropa çempionatının yarışları Flydubai-ın hava yolu açdığı hər üç şəhərdə baş tutacaq. Final oyunu Kiyevdə keçiriləcək.

Dubay – Kiyev reysinə biletlər 195 ABŞ dollarından başlayır. Əks istiqamətə - 205 ABŞ dolları. Biletin qiymətinə bütün vergilər, çəkisi 7 kiloya qədər olan əl yükü və 20 kiloya qədər olan baqaj yükü daxildir. Ayaqlar üçün geniş sahəsi olan yerlərdə oturmaq üçün əlavə olaraq 28 ABŞ dolları ödəmək lazımdır.

Nigar Məmmədli


Daha tez məlumatlanmaq üçün yeni Facebook səhifəmizi