Fransanın cənubunda Karkason şəhərində supermarketlərdən birinə silahlı hücum olub.
“Qafqazinfo”nun “RİA Novosti” agentliyinə istinadən verdiyi məlumata görə, naməlum silahlı şəxsin atəş açması nəticəsində 1 nəfər ölüb.
“Demeche du midi” qəzeti bələdiyyə rəhbəri Treb Erikə istinadən xəbər verir ki, silahlı şəxs supermarketdə insanları girov götürüb.
Girov götürən şəxs özünün İŞİD-ə aid olduğunu bəyan edib.
Fransa prokurorluğu faktla bağlı cinayət işi açıb.
***
“İnterfaks” xəbər verir ki, hadisə nəticəsində daha 1 nəfər ölüb, 2 nəfər yaralanıb.
***
“BFM TV”nin məlumatına görə, supermarketdə girov götürülən 20-yə yaxın insan hadisə yerini tərk edə bilib.
***
Fransanın daxili işlər naziri Jerar Kolon bildirib ki, insanları girov götürmüş terrorçu güllələnərək öldürülüb.