Futbolçular həbsxanada tualet təmizləyirlər
“Krasnodar”ın futbolçusu Pavel Mamayevlə “Zenit”in hücumçusu Aleksandr Kokorin sərxoş halda iki məmuru - Sənaye və Ticarət Nazirliyinin avtomobil sənayesi və dəmiryol maşınqayırması departamentinin direktoru Denis Pak və dövlət elmi mərkəzi “NAMİ”-nin rəhbəri Sergey Qasin və “Birinci kanal”ın əməkdaşını döymələri səbəbindən saxlanılmışdılar.
“Qafqazinfo” xəbər verir ki, hər iki futbolçu dekabrın 8-nə kimi həbsdə qalacaq. Futbolçuların saxlandığı istintaq təcridxanasının rəisi Sergey Telyatnikov onların həbsdə heç bir problemləri olmadığını deyib: “Onlar 3-4 nəfərlik kameralarda qalırlar. Heç bir problemlə üzləşməyiblər. Hər ikisi kamera yoldaşları ilə növbələşərək, tualet təmizləyirlər. Kokorinin qaldığı yer isə nümunəvi kameradır. Nəzarətçi ilə kameralı danışıq mümkündür”.
Qeyd edək ki, dekabrın 8-də futbolçuların məhkəmə prosesi keçiriləcək.
Son Xəbərlər
- 1
- 2
- 3
- 4
- 5
- 6
