“Qafqazinfo” nun məlumatına görə, idarə rəisi bildirib ki, şəhərdəqəsdən adam öldürmə, quldurluq, insan alveri kimi cinayət hadisələrinin üstünün açılması 100% təmin edilib. 2013-cü ildə cinayət törədərək xaricə qaçan 170 nəfər axtarılıb ki, onların da 127 nəfəri tapılaraq ölkəyə gətirilib.
Hesabat dövründə polis əməkdaşlarının keçirdiyi əməliyyat tədbirləri nəticəsində 4 avtomat, 4 tapança, 1 minomyot və xeyli patron aşkar edilərək götürülüb.
Faiq Şabanov vurğulayıb ki, hesabat ilində 88 narkotik vasitələrinin qanunsuz dövriyyəsi ilə bağlı faktın üstü açılıb. Nəticədə 21 nəfər cinayət məsuliyyətinə cəlb edilib.